8 қару тәркіленді

Қостанай облысында төрт күн бойы жүргізілген  «Қару» операциясының барысында заңсыз айналымнан 8 қару-жарақ  алынды, деп   хабарлады  облыстық  ішкі істер департаментінің баспасөз қызметі. Оның  ішінде, заңсыз сақталып келген,  тіркелмеген тегіс оқпанды  3 мылтық, 4 қару, 1 тоқ соқтырғыш қару тәркіленді,  облыс халқы өз  еріктерімен 13  мылтықты тапсырды. 

 «Қару» атты жедел профилактикалық шара төрт күн бойы жүргізіледі. «Қару» операциясының мақсаты – азаматтардың өмірі мен денсаулығына қатер төндіретін қылмыстар туралы қала тұрғындарынан келіп түскен мәліметтерді дер кезінде елеп-ескеру, содан нәтиже шығару» дейді ОІІД бөлім басшысы Абзал Тасболатов. 

Шара барысында қаруды сақтау және тіркеу ережесін бұзғаны үшін тәртіп сақшылары 31 адамды жауапқа тартты.  

           

Шұға АҢСАҒАНҚЫЗЫ.