Жол-көлік оқиғасынан қаза тапты

Ірі жол-көлік оқиғасы нәтижесінде 2 адам қаза тапты, тағы екі адам ауруханаға ауыр халде жеткізілді.

Оқиға 20 мамыр күні болды.  Mercedes автомобилінің 26 жастағы жүргізушісі, қасында 6 жасар ұлымен Қостанайдан Затобол кентіне қарай кетіп бара жатқан. Алдын ала болжам бойынша, көлік қарсы бағытқа шығып кетіп, Volkswagen автокөлігімен соқтығысқан. Машинада 30 жастағы жүргізуші мен 36 жастағы әйел адам болған. Жол-көлік оқиғасы салдарынан олар оқиға орнында көз жұмды. 

Соқтығысан екі көлік қарама-қарсы бағытта келе жатқан Mitsubishi автокөлігіне соғылған. 38 жастағы жүргізуші дін аман. Mercedes жүргізушісі мен оның ұлы ауруханаға жеткізілді. Олар ауыр хәлде жатыр.

Егер осы оқиғаны көрген адамдар болса, мына телефон нөмірлеріне 52-63-36, 52-62-64, 8-701-915-66-67 и 8-777-330-78-72 хабарласуыңызды сұраймыз, – дейді Қостанай облыстық ІІД баспасөз қызметі.

 

Махаббат Бекбай