«Астана» аяған жоқ

Қазақстан Премьер-Лигасы командалары арасындағы оныншы тур ойындары Қостанайдың «Тобылына» тағы нәтиже әкелген жоқ. Әкелгеніңіз не, тіпті жерлестеріміз сырт алаңда қарсыластарынан оңбай ұтылды. Бұл жолы «Астанаға» 0:4 есебімен тізе бүкті. Дмитрий Шомко, Таңат Нөсербаев, Фокси Кетевоама және Бауыржан Джолчиевтер соққан допқа «Тобыл» футболшылары ең болмаса бір голмен де жауап бере алмады.

«Тобыл» келесі матчты өз алаңында өткізеді. 7 мамыр күні Қостанайға Дмитрий Огай жаттықтыратын Қызылорданың «Қайсары» қонаққа келеді.

 

Айбек КӘДІРҰЛЫ