Бірлігі жарасқан ел мерекесі

Қазақстанда 130 астам ұлт өкілдері тұрады. Барлығы бір шаңырақ астында береке-бірлікте өмір сүруде. Жақында өткен ҚР Президенті сайлауында еліміздегі бірлік мен ынтымақтастықты барша әлемге паш еттік. Бүгін міне Қазақстан халқы бірлігін күнін  бірлігі жарасқан ел болып  тойлатып жатырмыз.  

Қостанай қаласының орталығында мерекелік іс-шаралар сағат 11.00 шамасында басталып кетті. Қала тұрғындары мен қонақтары назарына «Ел бірлігі – ел теңдігі» атты концерттік бағдарлама ұсынылды. Әр адам өз талғамына қарай көңіл көтерді. Бірі кілемдер мен «Қорқыт мұрасы» атты музыкалық аспаптар көрмесін тамашаласа. Енді бірі «Достық балалар көзімен» атты көркемсурет туындалыран көріп қайтты. Айта кету керек мұнда жиналғандар назарына ұзындығы 100 мерт болатын сурет көрсетілді. Онда қала оқушылары достықтың қалай түсінетіндігін бейнелеп берді.

Облыс әкімі Нұралы Садуақасов мерекелік іс-шаралар көрермендерінің бірі болды.  Аймақ басшысы спорттық ойындарды көріп, жергілікті өнерпаздар өнерін де тәнті болды.

         Облыс орталығының КСК шағын ауданында да мереке думанды өтті. «Жастар» саябағына еңбектеген сәбиден еңкейген кәріге дейін келді.

 – Биыл біздің мемлекетіміз үшін маңызды жыл. Қазақстан халқы Ассамблеясының 20 жылдығы мен Қазақ хандығының 550 жылдығын атап өтудеміз. 1 мамыр Қазақстан халқы Ассамблеяның ғана емес, елімізде тұрып жатқан барлық ұлт өкілдерінің мерекесі. Бірлігіміз нығая берсін. Мереке құтты болсын, жерлестер, деп өз тілегін білдірді «Янтарь» этно-мәдени орталығының төрағасы Сергей Якушевич.

Мереке көтеріңкі көңіл күйде өтті десек артық айтқандық емес.Балғындар асыр салып ойнаса, қариялар З. Алдамжар атындағы ҚӘТУ күшімен дайындалған коцерттік бағдарламаны тамашалап, бір серпіліп қалды.

 

Махаббат Бекбай

Суретті түсірген Айбек Жүзбай