Достықты жырлап…

     Қостанай қаласындағы №6 бөбекжай-бақшасының «Балапан» екінші кіші тобында «Достық бірілігі» атты тақырыпта мерекелік шара болып өтті.  Шараның мақсаты- балғын балғындарға мемлекетімізде тұрып жатқан  өзге ұлт өкілдерін тану, олардың салт-дәстүрлерін білу, құрметтеу.

    Балғындар әр ұлт өкілдерінің киімдерін киіп, билерін биледі, өлеңдерін айтты. Осындай шараны ұйымдастырған топ тәрбиешілері Қуаныш Балғынбаева мен Мәдина Өскенова болса,  музыкалық жетекшісі  Сабина Оразалина болды.  Ата-аналарда шараға белсенді араласты. Олар ұлттық тағамдар пісіріп, гүл жинау сайысына қатысты.  Теріп алған гүлдер ішіндегі сұрақтарға жауап беріп, өздерінің білімдерін көрсетті.

 

Гүлназым САҒИТОВА

Суретте: шарадан көрініс