Әнсүйер қауым Батырын еске алды
Қостанайдағы Сити-орталықта белгілі әнші Батырхан Шүкеновты еске алуға арналған флеш-моб өтті. 
Еске алу шарасы кешкі сағат 20.00-де басталды.Жиналған көпшіліктің санында есеп жоқ. Флеш-моб бір жарым сағатқа созылды. 
Арыстан Құрманов бастаған жергілікті танымал әншілер мен жас өнерпаздар марқұмның әндерін тамылжыта шырқады. Әсіресе Б.Шүкеновтың «Твои шаги», «Джулия», Отан-Ана» әндерін көрермендер де қосыла орындады. 
Ән сүйер қауым Батырхан Шүкеновтың портретінің жанына гүл шоқтарын қойды. Іс-шара соңында жиналғандар «Батырхан» деген жазуы бар аппақ шарларды әуеге ұшырды.
Қымбат Досжанова
