Үздік ұстаздар атындағы сыйлықтар

Аманкелді аудандық білім бөлімі 2013-2014 оқу жылының қорытындысын шығарып, үздіктерді анықтады. Жаңа оқу жылы қарсаңында сол үздіктерге кезінде ауданымыздың құрметті ұстаздары болған Қоңыртай Таукенов, Сәлімгерей Кәкімов, Жұмабике Баймұратова, Халима Бектұрова атындағы сыйақыларды салтанатты түрде тапсырды.

Қ.Таукенов атындағы сыйақы – Жалдама орта мектебінің директоры Құралай Ильясоваға, С.Кәкімов атындағы сыйақы – Ә.Боранбаев атындағы орта мектептің тарих пәні мұғалімі Ринат Мақашевқа, Ж.Баймұратова атындағы сыйақы – Ы.Алтынсарин атындағы орта мектеп бастауыш сыныбының мұғалімі Бақыт Сыбанбайқызына,  Х.Бектұрова атындағы сыйақы – Б.Қолдасбаев атындағы орта мектептің қазақ тілі мен әдебиеті пәні мұғалімі Айзада Амантаеваға, С.Кәкімов атындағы үздік оқушыларға тағайындалған сыйақы – А.Нұрманов атындағы орта мектептің 9 сынып оқушысы, облыстық, республикалық олимпиадалардың жеңімпазы  Нұрдана Тұрысбекке тапсырылды.

С.Кәкімовтің ұрпақтары екі сыйақы белгіледі. Оның бірі үздік ұстазға, бірі – үздік оқушыға беріледі.

Бұл сыйақылар осымен үшінші жыл беріліп отыр. Оларды аталмыш ұстаздардың әулеттері тағайындаған. Ол сыйақылар жыл сайын жаңа оқу жылының қарсаңында тапсырылады.

Хамитбек

        МҰСАБАЕВ