Жастар – болашағымыз

Осыдан екі жыл бұрын аудан орталығында қазақ орта мектебі ашылды. Бұл оқиға көпті қуантты. Қазір мұнда екі жүзге жуық бала білім алуда. Қазіргі уақытта білім ошағындағы басты жаңалық мектепте E-Learning электронды оқыту бағдарламасы іске қосылған. Аталмыш жоба оқушылар мен мұғалімдер үшін көп мүмкіндік беруде. Бұл жоба желтоқсан айында ғана енгізілген. Бүгінде оқушылар мен ата-аналарға мол мүмкіндік ашып отыр.

Биылғы жылы ауданда 106 бала мектеп бітіреді. Олармен аудан әкімі кездесіп, бір күн бойы түрлі шаралар аясында бірге болды. Олар "Варварин" кен орнында, "Майлин" ЖШС болып, жұмыс барысымен танысты. Жастарға аға толқын өкілдері ақылдарын айтып,  өнерлерін де көрсетті, "Қалиев" ЖШС басшысы Қалиев операдан үзінді орындады. Ал жастардың арасынан Е.Киселевич Абайдың әнін шырқап, көпшілікті тәнті етті. Бұл жастардың есінде қаларлық жылы кездесу болды.