Жерлесіміз күміс жүлдегер!

Ресей астанасы – Мәскеуде самбодан ерлер мен әйелдер арасында Анатолий Харлампиевті еске алуға арналған халықаралық турнир өтті. Әлем Кубогын сарапқа салған байрақты бәсекеге Жапония, Тунис, Иран, Молдова, Камерун, Грузия, Үндістан, Италия, Кипр, Латвия, Марокко, Панама, Непал, Болгария, АҚШ, Греция, Германия тәрізді төрткүл әлем  түкпір-түкпірінен 300-ден астам  боз кілем шеберлері қатысты.

Дүбірлі додада Қазақстан намысын қорғаған Қарасу ауданының тумасы Асылбек Әлкей 74 келі салмақта финалға шығып, ақтық бәсекеде тек әзірбайжандық Амиль Гасимовқа есе жіберіп алды. Сөйтіп, Харлампиев турнирінің күміс жүлдесін олжалап қайтты. Естеріңізге сала кетейік, Асылбек осыған дейін Әлем Кубогын екі мәрте иеленген болатын.

 

Айбек Кәдірұлы