Өндіріске өріс кең
Қостанай облысы тек қана астықты аймақ емес,еліміздегі ірі өндірістік орталықтардың бірі.Өңірдегі «АграмашХолдинг» АҚ, «Варваринское» АҚ, «ССКӨБ» АҚ, «Қазақстан алюминиі» АҚ қарасты Краснооктябрь боксит- кен басқармасы тәрізді өндіріс ошақтары аймақ экономикасының дамуына айтарлықтай үлес қосып келеді.Аталған кәсіпорындар өнім өндіру көлемін ұлғайтып, жаңа жұмыс орындарын ашуға да ықпал етіп отыр.
Облыстық кеңесте жоғарыда аталған өндіріс орындарының басшылары облыс әкімі Нұралы Садуақасовтың алдында есеп берді.Онда өндіріс ошақтарының негізгі әлеуметтік-экономикалық көрсеткіштері сараланып, кәсіпорындардың тиісті жоспарға сәйкес бекітілген жұмыс кестесі нақтыланды.
Әлібек Ыбырай
Суретті түсірген Айбек Жүзбай
