Өрендеріміз өрлесін!
Еліміз еңселі,
Еңбегіміз еселі,
Жастарымыз жалынды,
Қарттарымыз көшелі,
Заманымыз тыныш болсын!
Егініміз бітік шығып,
Маңдайымызға бақ,
ырыс қонсын!
Өрендеріміз өрлесін!
Биікке шықсын төрлесін!
Жанымызды жаулап,
Ызғарлы жел еспесін.
Ошағымыздың оты лаулап,
Отанымыздың аты өшпесін
***
Наурыз айындай мейірім берсін,
Атымтай-Жомарттың
пейілін берсін.
Ананың ғазиз жүрегін берсін,
Әкенің мәнді тілегін берсін.
Асыл сөзге тоқтар бол,
Елдің мұңын жоқтар бол.
Ақ кемедей желкенді бол,
Өнегелі, өркенді бол!
***
Жазың жаңбырлы болсын,
Ұлың сабырлы болсын.
Қызың ибалы болсын,
Бойыңда сенім болсын,
Ойыңда елің болсын.
Дәулет берсін, тақ берсін,
Алла баянды бақ берсін!
Серікбай ОСПАНҰЛЫ.
Қостанай қаласы.
