Отан қорғау – абыройлы іс
Таң атып, оянады жас түлек,
Ұйқылы-ояу бәрі сапқа асығып.
Күтер тығыз күн тәртібі, біраз іс,
Білім нәрін қабылдайды жас жүрек.
Біліп, көріп, танысып ізденіспен,
Жан-жақты дамимыз біз күндегі іспен.
Отан қорғау үшін біз шынығамыз,
Отан қорғау басты парызымыз.
Офицерлер, ұстаздар алаламай,
Баласындай өзінің оқытады.
Ел қорғаны боп өткен бабалардай,
Ерлік рухын жадыңа тоқытады.
Патриот, білімді жас азаматты,
"Арыстан" шыңдап жатыр берік қылып.
Қазақстан – Отаным деген жастар,
Өсуде білім, тәртіпті серік қылып.
Күндер, айлар, жылдар өтіп,
Қол бұлғайды жарқын өмір.
Отан қорғау абырой деп,
Асқақтайды біздің көңіл!
