Ардагерлер турнир өткізді

 «Жігер» стадионында Кеңес әскерінің Ауған жерінен шығарылғанына 26 жыл және Ұлы Жеңістің 70 жылдығына арналып, ардагерлер арасында футзалдан турнир өткізілді.

Турнирдің салтанатты ашылуында қалалық спорт бөлімінің басшысы Ж. Жапарұлы, ішкі саясат бөлімінің басшысы ­М.Айтмағанбетова, Ауған соғысының ардагері М.Бәлдіковтер құттықтау сөз сөйледі.

– Жыл сайын 15 ақпан күні қарсаңында осындай шараларды ұйымдастырып тұрамыз. Мұндай жолдастық кездесулердің берері мол. Командалар бір-бірін жақсы біледі. Бүгінде бастарын ақ қырау шалған ардагер спортшылар кешегі күннің жігерлі жастары болатын. Көптен көрмеген бауырларымызбен төс түйістіріп, мәре-сәре болып жатырмыз, – дейді Ауған соғысының ардагері Ғалымжан Ерназаров.

 Тартысты ойынның нәтижесіне тоқталар болсақ, І орынды Ақмола облысының «Астрахан» командасы, ІІ орынды Жарқайың ауданының ардагерлері, ІІІ орынды Арқалық командасы иеленді.

Жүлделі орын иелері грамоталармен, ақшалай сыйлықтармен марапатталды.

Мұрат

     ЖҮНІСҰЛЫ

СУРЕТТЕ: Турнир көрінісі.

Суретті түсірген автор.

Арқалық қаласы.