Сіз бен біз
Ізгілік пен ірілік,
Ақ моншаққа тізгенбіз,
Адамзаттың пірі ғып,
Туған жандар,
Сіз бен Біз!
Тағдырдың тау-тасымен,
Арпалыста жүзгенбіз.
Жүрегінің жасымен,
Жуған жандар,
Сіз бен Біз!
Байлық пенен бақыттан,
Күдерді әбден үзгенбіз.
Белбеу жасап уақыттан,
Буған жандар,
Сіз бен Біз!
Жапырақтай жетімек,
Зиян көрген күзден біз.
Өлең жазып кетіп ек,
«Қуған» жандар,
Сіз бен Біз!
Әлібек Татанов.
Қостанай.
