«Торғай ақындарының антологиясы»
Қазақтың қазіргі бас айтыскер ақындарының бірі, жерлесіміз, филология ғылымдарының кандидаты, доцент Айбек Қалиевтің Ы.Алтынсарин атындағы Арқалық мемлекеттік педагогикалық институты М.Дулатов атындағы әдеби-мәдени бірлестігі ғылыми мектебі 2014 жылдан бастап «Торғай ақындарының антологиясын шығаруды қолға алды. Бұл – аса маңызды іс болып отыр. Жыл аяғында А.Қалиевтің жалпы редакциясымен жерлесіміз Батырлан Сағынтаевтың құрастыруымен және жауапты шығарушылығымен аталмыш антологияның 1-інші томы жарық көріп отыр. Бұл томға 14 ақынның өлең-жырлары енгізілген. Кітаптың алғы сөзін Айбек Қалиев жазған.
Бұл томда Өтеулі Тоғызбайұлының, Уақ Жұмабай Шалабайұлының, Сейдахмет Бейсенұлының, Байжан Қожарұлының, Мәтібай Сарбасұлының, Есенжол Жанұзақұлының, Келімбет Қонысбай Сарбасұлының, Ақмолда Орынбайұлының, Күдері Жолдыбайұлының, Қарпық Шолақұлының, Әбдірахман Иманқұлұлының, Әбіқай Нұртазаұлының, Нарымбай Елтоқұлының, Құбаша Шалбайұлының өлеңдері берілген.
Алдағы жылдарда антологияның 2-ші, 3-ші томдары шығарылмақ.
Торғай аймағының рухани өмірінде жаңашыл іс бастаған Айбек, Батырлан бауырларымыздың істеріне сәттілік тілейміз.
Хамитбек
МҰСАБАЕВ
Аманкелді ауданы.
СУРЕТТЕ: кітаптың мұқабасы.
