Жұмысқа орналасады
Бүгінде "Үміт-Надежда" қоғамдық қоры көптеген маңызды жобаларды жүзеге асырып келеді. Жақында қор "Кедергісіз жұмысқа орналастыру" деген атпен тағы бір арнайы жобаны қолға алды. Осы жоба барысында олар мүмкіндігі шектеулі жандарды компьютерлік технология арқылы іс-қағаздарын толтыру, баспа дизайны, фото шығару сияқты жұмыстарды кәсіби түрде оқытып, үйретуде.
– Мақсатымыз – кембағал жандардың жұмыспен қамтылуына жағдай жасау. Олар осындай үйірмелер мен оқыту курстарында тәжірибелерін шыңдау арқылы еш кедергісіз жұмысқа орналаса алатын болады. Тіпті, өз бизнестерін ашуға да мүмкіндік тумақ. Бұл өз кезегінде мүгедек кісілердің өмірге деген құлшынысын арттыратыны анық, – дейді "Үміт-Надежда" қоғамдық қоры төрағасының орынбасары А.Жақсағұлова.
Қ.МАРАТҚЫЗЫ.
