Ел бірлігі – ең асыл қасиет

Биыл Қазақстан халқы Ассамблеясының 20 жылдық мерекесі. Аталмыш қоғамдық институт өзге елдерге үлгі бола отырып, бірліктің қазақстандық бірегей моделіне айналды. Ассамблея Қазақ елінің ынтымағы мен бірлігін жақтап келеді. Осынау мерекеге орай Аманкелді ауданында ауқымды іс-шара өтті. Аудандық мәдениет үйінде театрландырылған көріністер, әртүрлі ұлт өкілдерінің әндері мен билері қойылды. Орталық кітапхана мен мұражай бірлесіп, "Ел бірлігі – ең асыл қасиет" атты түрлі ұлт өкілдерінің қолөнер бұйымдары көрмесін ұйымдастырды.

– Ассамблея еліміздегі бірлікті сақтауда маңызды рөл атқарып отыр.  Соның арқасында Қазақстанды мекен етіп отырған этнос өкілдерінің достығы көрініс табуда. Аталмыш іс-шараның өтуі ұлтаралық келісімнің айғағы емес пе. Мәселен, көрмеге қойылған балауыз шамның тұғыры орыс халқының тұтынатын бұйымы. Тоқыма күртешелер, қысқы жылы киімдер әр ұлттың өкілдерінде кездеседі. Қағаздан  жасалған "аққу" бейнесі асқан шеберлікпен жасалған. Қазақ халқы  аққуды тазалықтың, пәктіктің, достықтың символы ретінде  қадірлеген, – деді аудандық мәслихаттың депутаты, зейнеткер Мәнсия Есенова.

Р.ОЛЖАҒҰЛОВ.

Аманкелді ауданы.