Мемлекеттік қызмет көрсету үнемі бақылауда
2015 жылғы 2 ақпанда Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Қостанай облысы бойынша департаментінің қызметшілері Қостанай облысының халыққа қызмет көрсету орталығында Қазақстан Республикасының Инвестициялар және даму министрлігінің ведомствосындағы мемлекеттік органдардың аумақтық құрылымдарының қызметшілерімен семинар-кеңес өткізді. Қостанай облысы бойынша көліктік бақылау инспекциясымен көрсетілетін қызмет сапасына ерекше көңіл бөлінді.
Халыққа қызмет көрсету орталығындағы қызмет көрсету барысында кездесетін басты мәселелер және оларды шешу жолдары талқыланды.
Департамент басшысы Данияр Үсенов Агенттіктің негізгі міндеттерінің бірі – мемлекеттік органдарда қызмет көрсету сапасын арттыруды үйлестіру болып табылатынын атап өтті.
Сондай-ақ, кездесуде Қостанай облысының ХҚКО-да одан әрі тарату үшін "Қостанай – сыбайлас жемқорлықтан бос аумақ" Департаменттің сыбайлас жемқорлыққа қарсы бейнеролигінің тұсаукесері болды.
