Бала – басты жолаушы

Қостанайлық полицейлер "Бала – басты жолаушы" республикалық акциясының шеңберінде Қостанай перинаталдық орталығында жатқан аналармен кездесіп, автомобильдерде орындықтар пайдаланудың тиімділігі туралы әңгіме өткізді.

Полиция майоры Юрий Панасенко баланың қауіпсіздігі үшін ата-ана жауапты екенін, перзентханадан үйге алғашқы сапарында жарақаттанудың алдын алу үшін  автоорындық пайдалану қажеттігін атап өтті. Нәрестелі болған Короленко және Қозыбаевтар отбасыларына тәртіп сақшылары автоорындық тарту етті. Акция аясында полицейлер осындай іс-шараларды бала бақшалар мен мектептерде де өткізбекші.