Оқушыларға қауіпсіздік шаралары түсіндірілді
Жақында М.Горький атындағы гимназияда облыстық төтенше жағдайлар департаменті қызметкерлерінің қатысуымен "Қыс мезгіліндегі қауіпсіздік шаралары" тақырыбында жиын өтті. Құтқарушылар өткізген онлайн сабаққа 59 мектептің оқушылары қатысты.
Облыстық төтенше жағдайлар департаментінің маманы Азамат Абатовтың оқыған дәрісін оқушылар зейін қойып тыңдады. Ол балаларға тұрмыста өрт қауіпсіздігін сақтау және өрт сөндіру құралын дұрыс қолдану туралы түсінік берді.
Мұнан кейін сөз алған Қостанай қалалық орталық құтқару стансасының бас құтқарушысы Г.Сайфутдинов мұз үстіндегі қауіпсіздік шаралары мен өзін-өзі құтқару жолдарына тоқталды.
Басқосу соңында "Үсік шалғандарға алғашқы көмек көрсету" туралы бейнефильм көрсетілді.
Шұға
ҚОҢҚАБАЙ
