Әнші балғындар

Қалалық балалар шығармашылық үйінде "Талант! Музыка! Балалар!" атты әнші балалардың байқауы өтті. Сайыста 7-17 жас аралығындағы әнші балғындар сынға түсті. Үміткерлер үшін ешқандай шектеу қойылмады. Тек бәрі де жанды дауыста, эстрадалық жанрда болса болғаны. Қазылар алқасы әрбір жастың дауыс ырғағын, сахнада өзін ұстау мәдениетін, дайындық барысының жоғарылығына аса мән берді.

Келешекте әнші боламын деген жастар аз емес. Кішкентайы да, үлкені де талпынып, бар өнерлерін салды. Үш топ бойынша жас аралығына қарай жеңімпаздар марапатталды. 7-9 жас арасында бірінші орынды Анна Тысленко, 10-13 жас бойынша Дарья Тормышева және 14-17 аралықта Әйгерім Құсайынова иеленді. Олар енді концерттік кештерге де қатысуға шақырылады.

Айтолқын

       АЙҚАДАМОВА