ҰҚК қызметкерлері күш сынасады

Бұқаралық спортты дамытуға құқық қорғаушылар да айрықша үлес қосып жүргені баршаға мәлім. Бұл жолы Ұлттық Қауіпсіздік Комитетінің қызметкерлері жарыс алаңына шықты. Олар шағын футбол, жүзу,  волейбол, шахмат тәрізді спорттың 10 түрі бойынша күш сынасады. Жарысқа Павлодар, Көкшетау, Астана қалаларының командалары келді. Құзырлы орган мұндай бәсі жоғары бәсекені он шақты жылдан бері ұйымдастырып  келеді.

Қостанайдағы спорт сарайында жалауы көтерілген  7-ші республикалық біріншіліктің  ашылу салтанатына облыс әкімі Нұралы Садуақасов қатысты. Сондай-ақ ҰҚК ардагерлері мен  елімізге есімдері белгілі спортшылары біріншіліктің құрметті қонақтары атанды. Жарыс жұма күні мәреге жетеді. Барлық сындардан сүрінбей өткен команда ҰҚК Кубогын иеленбек.

Әлібек

      ЫБЫРАЙ

Суретте:  жарыстың ашылу салтанатынан көрініс.