Жедел компьютерлік көмек

Ел Президенті Н.Ә.Назарбаев жаңа экономикалық саяси құжатынан еліміздің белсенді әрі жігерлі жастары өз орындарын табуы мүмкін екендігін айрықша атап өткен болатын.

Елбасымыз айтқандай, "Нұрлы жол – болашаққа бастар жол" атты Жолдаудан жігер алған сарыкөлдік жастар – Денис Белоглазов пен Александр Мельник өз білімдері мен жұмыс тәжірибелерін түйістіріп, электрониканың алдын алу және жөндеу жұмыстары бойынша өз істерін ашты. Кәсіптің кілтін тапқандар өз орталықтарын "HelpComp" – жедел компьютерлік көмек деп түрлендіріп, енді шеберхана ашпақ ниетте.

Жалпы, бүгінде компьютер күнделікті тұрмыс техникасында және барлық мекемелерде, кеңселерде, тіпті, әр үйде қолданылады. Салтанат құрған бұл сәнді заманауи техника да кей-кезде бұзылмай тұрмайды. Сондықтан, ауданда ашылған аталмыш орталық сары-көлдіктер үшін ыңғайлы әрі қолжетімді болмақ.

Руслан

       ӘЛКЕЕВ

 Сарыкөл ауданы.