Мүгедектермен кездесті
"Нұр Отан" партиясының Алтынсарин аудандық филиалы "Кедергісіз келешек" жобасы аясында Щербаков ауылдық округінің Қосқұдық ауылында кездесу өткізді.
Партиялықтар ауылдағы кәсіпкер, 1 топтағы мүгедек Зүлфия Балтабаеваның жұмысымен танысты. Аталмыш кәсіпкер екі ай бұрын өз үйінде азық-түлік дүкенін ашқан. Зүлфияның айтуынша, құжаттарды рәсімдеу кезінде қиындықтар туындады. Бірақ ауыл тұрғындары оны қолдап, дүкеннің тез арада ашылуына көмегін тигізген. Зүлфияның ендігі арманы жазда кішігірім дүкеннің құрылысын бастау.
– Елімізде мүгедектерді қолдауға арналған көптеген іс-шаралар жасалып жатыр. Жеке кәсіп ашуға жеңілдіктер берілуде. Бұл мен сияқты адамдардың ақша тауып, жұмысқа тұруына таптырмас қолдау, – деді Зүлфия Балтабаева.
Қымбат
ДОСЖАНОВА
