Арсеннің алғашқы жеңісі

Жұмаш Арсен №19 қазақ орта мектебінің 1"Б" сынып оқушысы.  Бірінші сыныпта оқыса да өзінің  алғашқы жеңісімен   ұстаздарын, ата-анасын қуантып үлгірді.  Ол жақында  Башқұртстан  елінің  астанасы Уфа қаласында өткізілген "Менің өмірімнің бір күні" тақырыбындағы  халықаралық лингвистикалық байқауға өз шығармасымен сырттай қатысып,  жүлделі 1 орынды иеленді. Айта кету керек,  сайысқа  әлемнің түкпір-түкпірінен талантты оқушылардың қаламынан туындаған  шығармалары сынға түскен болатын. Қазақстаннан жалғыз өзі қатыс-қан Арсен қатарластарынан оқбойы озып, өзінің бала қиялының жүйрік екендігін танытты.

Кішкентай болса да талапты  оқушының  сынып жетекшісі ретінде оның алғашқы жеңісіне қуаныштымын. Ол  мектеп табалдырығын аттаған сәттен бастап тек  жақсы жағынан көрсетуде. Сөздік қоры мол, білімге құштар,  алғыр оқушы. Әсіресе, математика пәніне қызығушылығы жоғары.  Есептерді  шығаруда алдына жан салмайды. Оның  жарқын болашағынан үлкен  үміт күтемін.

Алар асулары мен бағындырар белестерің  биік болсын!  Талабыңа нұр жаусын, Арсен демекпін.

Мария АХБЕРГЕНОВА,

№19 орта мектептің бастауыш сынып мұғалімі.

 Рудный қаласы.