Халық жұмбақтары
1.Шидім, шидім, шидім құс,
Ши басына қонған құс.
Қарқарада қара құс,
Хан басына қонған құс.
2. Алтынмен аптадым,
Күміспен күптедім.
Бірін өрге шығарып,
Бірін жерге түптедім.
3. Белең, белең, белең ат,
Белі қайқы күрең ат
Таудан түссе, таймас ат,
Талау тисе, өлмес ат.
4. Бір емен, жеті терек, алты қайың,
Бұтағы толып жатыр дайым, дайым.
Ішінде шынар терек, үш қарағай,
Өнегесін айта беріп не қылайын.
