Ақ түтек боран үдеп тұр
Ақ түтек боранның түрі жаман. Бала түгелі үлкеннің өзі әрең жүреді. Бүгін қала мектептерінде ауа-райының қолайсыздығынан сабақтың уақыты 30 минутқа қысқартылды.
Сонымен қатар республикалық маңызы бар автожолдар көліктің барлық түрлері үшін жабылды. Рудный – Денисов бағытындағы тасжол, Актөбе облысымен шекаралас : А-22 (Қарабұтақ- Комсомольское-Денисов-Рудный- Қостанай) да жабық. Денисов – Жітіқара Ресеймен шекаралас елді мекендерге көлікпен кіріп-шығуға тыйым салынды.
Боранның салдары тек жолдарды ғана жауып тастамады. Қаладағы кейбір шағын аудандарда электр жарығы сөніп қалды.
Қатты боран бүгін түнде басталды. Метеорталықтың мәліметінше, желдің жылдамдығы секундына 23 метрге жеткен. Тұман, боран, көктайғақ.
Айтолқын Айқадамова
