Өмірі өнеге

Қазақстанның Еңбек Ері, Қазақстан Республикасының  еңбек  сіңірген  агрономы, Халық-аралық  Еуразия  экономикалық академиясының  академигі   Валентин  Двуреченский тірі болса, 7 қаңтар күні  79  жасқа толар еді.

Қазақ елінің тарихында ерекше із қалдырған Валентин Ивановичтің отбасында сол күні облыс әкімі Нұралы Садуақасовтың тапсырмасымен облыс әкімінің орынбасары Базыл Жақыпов, Қостанай ауданының әкімі Тәубе Исабаев, Қостанай қаласының әкімі Ахмедбек Ахметжанов болды және В.И.Двуреченскийге «Қостанай облысының құрметті азаматы» атағын беру туралы құжаттарды табыстады.

Айта  кетейік, бұл атақ танымал тұлғаға өткен жылғы  15 тамыз күні облыстық мәслихаттың шешімімен берілген болатын.

Келген қонақтар Валентин Ивановичтің өнегелі өмірін сөз етіп, оның өз ұлдарына, жалпы кейінгі жастарға  үлгі екенін әңгіме етті. Шынында да, ол өз елінің шынайы патриоты, өз мамандығының нағыз шебері болатын. Халық жүрегінде де сол қалпында ұзақ сақталмақ.

 

Сәлім Меңдібай

СУРЕТТЕ: В.И.Двуреченский диқандар ортасында.

(Сурет редакция мұрағатынан алынды)