Сұңқар ОСПАНОВ, еңбек ардагері, КСРО оқу-ағарту ісінің үздігі, Қазақстанның құрметті қажысы: Халық имандылыққа бет бұрса…
– Өткен жыл еліміз үшін жаман болған жоқ деп ойлаймын. Халықтың әл-ауқатын жақсарту бағытында игі істер жасалды. 1 сәуірден бастап зейнетақы және әлеу-меттік төлемдердің мөлшері өсті. Қарап отырсақ мемлекетіміздің қазіргі ахуалы көңілге қонымды. Ел ішінде тыныштық, тоқшылық. Жұрт не ішіп, не жеймін деп ойламайды. Тамақтың, киім-кешектің түр-түрі дүкен сөрелерінде самсап тұр. Балаларымыз қазақ мектептерінде оқып жатыр. Осының өзі бір бақыт емес пе?!
Әркім жаңа жылдан бір жаңалық күтеді, жақсылықтан үміттенеді. Қой жылы елімізге жайлы болсын. Мемлекетімізде тоқшылық болып, ауру-сырқау жоқ болсын. Халық жаман әдеттерден тиылып, имандылыққа бет бұрса деймін.
