20 жаңа жұмыс орыны ашылды
Өңірде өз істерін өрге қарай өркендетуді көздеген кәсіпкер "СарыкольДорСтрой" ЖШС-ның директоры Ваник Мелоян қызмет көрсететін соны үлгідегі нысанын ашты.
Сарыкөлге сән бере түскен бұл орталық республикалық жол бойында орналасқан. Заманауи үлгіде салынған жаңа нысанның ішінде техникалық қызмет көрсету бекеті, автожуғыш және дәмхана бар. Бұл өндірістік кешендер іске қосылғанда, ең бастысы, бір уақытта 20 жаңа жұмыс орыны ашылды.
Ваник Тиграновичтің айтуынша, болашақта автомобиль-көлік техникалық қызмет көрсетуді компьютерлік зерттеу қабылдайтын болады. Яғни, сөзсіз, жоғары сапада сервистік қызмет көрсетілмек.
Руслан
ӘЛКЕЕВ
Сарыкөл ауданы.
СУРЕТТЕ: В.Мелоян және жаңа нысанның сыртқы көрінісі.
