Балалар қуанышы

Қостанай облысының әкімі Нұралы Садуақасов балалар үйінің тәрбиеленушілерін Жаңа жыл мерекесімен құттықтап, тәттілер мен ойыншықтар сыйлады.

Әркім Жаңа жылда бір жақсылықтың боларына үміттенеді. Бұл мерекені әсіресе, балалар асыға күтеді. Осынау мереке қарсаңында  облыс  әкімі Н.Са-дуақасов "Жанұя" отбасылық типтегі балалар үйі мен облыстық жетім балалар үйінің тәрбиеленушілеріне сый-сияпат жасады. Өңір басшысы театрландырылған қойылымды балақайлармен бірге тапжылмай отырып тамашалады. Бір жарым сағатқа созылған қойылымның соңында кішкентай көрермендерге жылы лебізін білдірді. Сондай-ақ атал-ған балалар үйіне теннис столын, ұл мен қыздардың әрқайсысына ойыншықтар сыйлады. Жаңа жылдық қойылымды І.Омаров атындағы облыстық қазақ драма театрының артистері қойды.

– Армандарыңыз орындалып, үміттеріңіз үзілмесін. Балалық шақтарыңыз уайым-қайғысыз өтсін. Бұл мерекелік іс-шара сіздер үшін жасалды. Қойылымды баршаңызбен бірге отырып тамашаладым. Шынымды айтсам, мұндай театрландырылған көріністі көріп, театр артистерінің шеберлігіне тәнті болып отырмын. Сіздерге бақытты балалық тілеймін. Ең негізгі міндеттеріңіз – оқу. Ал бас-қа мәселелерді шешу ересектердің еншісінде, – деді облыс әкімі Нұралы Садуақасов.

Қарлығаш  Оспанова

Суретте: іс-шарадан көрініс.

Суретті түсірген Бағдат Ахметбеков.