Аяз ата-Ақша қар жолға шықты

by Qostanaı tańy · 25.12.2014

Қостанайлық бір топ Аяз ата мен Ақша қар сыйлық толы күймеге қос ат жегіп жолға шықты. Олар қаладағы жағдайы төмен отбасылар мен ата-ана қамқорлығынан тыс қалған балаларды қуантпақ. Мультфильмнен ғана көретін мұндай көрініс Жаңа жыл қарсаңында ақиқатқа айналғандай.

Бұл ерекше акция «Жаным» деп аталады. Қайырымдылық шарасының өтуіне қала әкімі А.Ахметжанов мұрындық болған. Іс-шараға қалалық мемлекеттік мекемелер, қалалық мәслихат депутаттары, коммуналдық кәсіпорындар және «АБЗ+» ЖШС, «Вескор», «Таза Жол АТ», «Тазалық 2012», «Қостанай СУ» сияқты ұйымдар ат салысты. Аталған ұжымдар желтоқсан айында 600-ден астам қостанайлық балаға өз здерінің қаражаттары есебінен сыйлық жасамақ.

Өнегелі акция қалалық әкімдік ғимаратынан бастау алды. Шаһар басшысы көпшілікті келе жатқан Жаңа жыл мерекесімен құттықтап, бірнеше балаға планшеттер мен тәтті сыйлықтарды табыстады.