Виктория Ганяның өліміне қатысты іс сотта қаралуда
Қостанай облысы бойынша ауданаралық мамандандырылған соты 7 жастағы Виктория Ганяның ұрланғаны және айуандықпен өлтірілгені туралы қылмыстық істі қарап жатыр.
Ұрлық жасап, полицейлердің қолына 31 жастағы Қостанай қаласының тұрғыны тергеу барысында өзге де бірнеше ауыр қылмыс жасағанын мойындаған. Оның ішінде Виктория Ганяның өліміне қатысты қылмыс та бар. Еске сала кетейік, 7 жастағы балдырған биылғы жылдың 24 сәуірінде Рудный қаласында жоғалған еді. Іздеу шаралары бір айға созылып, ақыры, бейкүнә бүлдіршіннің денесін еріктілердің бірі қала шетіндегі қаңыраған ғимараттан тапқан болатын. Аталған істі алдын ала тыңдау әзірше тағайындалған жоқ. Дегенмен сот отырысының жабық түрде өтетіні белгілі болды.
Шолпан Қасымова, Қостанай облысы бойынша ауданаралық мамандандырылған қылмыстық сотының баспасөз хатшысы:
– Тергеу қорытындысы бойынша ол 2011-2014 жылдар аралығында 5 рет ұрлық жасаған.Төрт кісі өліміне қатысы бар. Кәмелетке толмаған екі қыз баланы зорлады және адам ұрлады деп айыпталады. Мұның сыртында Қазақстан Респубикасы Қылмыстық кодексінің 120,121,175 және 96-баптары бойынша айыпты деп танылып отыр.
