“Арқа жұлдызы – 2014”

Ә. Боранбаев атындағы  кинотеатрда  осындай  атаумен балалар шығармашылығы ән байқауы өткізілді. Қалалық мәдениет сарайының ұйымдастыруымен өткен байқау ережесіне сай 6-9, 10-13, 14-17 жас аралықтарындағы 3 топ арасында өрбіді. Байқаудың мақсаты халықтың асыл мұрасы ән жанрын дәріптеу, ән шығармашылығына жастардың қызығушылығын арттыру және дарынды орындаушылардың өнеріне қолдау көрсетіп, келешекте жоғары дәрежелі сайыстарға жолдама беру болып табылады.

 Қала және қалаға қарасты ауылдық елдімекендерді қамтып, ұзақты күн бойы өткен өнер додасының қорытындысына тоқталсақ: кіші топта №4 мектептің оқушысы Мөлдір Дарынова, орта топта А. Байтұрсынов атындағы бастауыш гимназияның оқушысы Әділхан Мырзағалиев, жоғары топта №1мектептің оқушысы Диана Олжабаева І орынды иеленді. Байқау шарты бойынша бас жүлде тек жоғары топқа тиесілі болып, оны Үштөбе ауылының жас өнерпазы Спандияр Ташабаев қанжығасына байлады.

 Жүлдегерлер  бағалы сыйлықтармен марапатталды.

 

Мұрат Жүнісұлы

Арқалық қаласы