Рудныйлық спортшылар топ жарды
Рудныйлық балалар мен жасөспірімдерге арналған спорт мектебінің командасы Қадырбек Оспановты еске алуға арналған облыстық баскетбол турнирінде топ жарды.
Қостанай қаласында өткен жарысқа спорт мектебінің жаттығушылары бірінші рет қатысып отырған жоқ. 2012-2013 жылдары бесінші және екінші орындарды иеленсе, биыл діттеген мақсатына жетіп қана қоймай бірнеше спортшысы ең үздің ойыншы атанып отыр. Бұл жолы жаттықтырушысы Наталья Пыряеваның да еңбегі елеусіз қалмады. Ол ұйымдастырушылар тарапынан арнайы диплом мен ақшалай сыйлықпен марапатталды.
Қадырбек Оспанов – облысқа еңбегі сіңген жаттықтырушы, КСРО-ның спорт шебері және Қазақ КСР-і халық ағарту ісінің үздігі. Он жылдан астам Қостанай облысының мәдениет және спорт басқармасын басқарды. Оның атындағы турнир 2006 жылдан бері ұйымдастырып келеді.
Қуаныш Сейдоллаұлы
