Тәуелсіздіктің тағы бір тойы
Сарыкөл ауданында еңселі еліміздің төл мерекесі – Тәуелсіздік күні ерекше тойланды. Осынау мерекеге арналып салтанатты жиын мен мерекелік бағдарлама ұйымдастырылды.
Алдымен, аудандық мәдениет үйіне жиналған жұртшылықты аудан әкімі Эльдар Күзенбаев құттықтады. Ауданның әлеуметтік-экономикалық дамуына өз үлестерін қосқаны үшін бір топ азаматты марапаттады. Соның ішінде «Сарыколь Дорстрой» ЖШС-нің директоры Ваник Мелоянға«Сарыкөл ауданының құрметті азаматы» атағы берілді.
Сондай-ақ, тың игерудің алпыс жылдығына орай ауданның алғашы он тыңгері ерекше ілтипат пен естелік сыйлықтарға ие болды.
Сарыкөлдіктерге қуаныш сыйлаған салтанатты шара соңы аудан көркемөнерпаздарының мерекелік бағдарламасымен жалғасты.
Руслан Әлкеев
Сарыкөл ауданы
