Сарыкөл ақындары сынға түсті
Қасиетті мерекеміз – Тәуелсіздік күні қарсаңында аудандық кітапханада «Сарыкөл» газетінің ұйымдастыруымен жыр мүшәйрасы жалауын түрді.
Ауданның тоқсан бес жылдығы мен Тәуелсіздік тойына арналған жыр сайысында сарыкөлдік жазба ақындар өзара бақ сынасты. Жыр додасынан жүлделі орындарынан дәмеленіп келген үмтікерлер өздерінің өлеңдерін оқып, ақындық қырларын жан-жақты көрсете білді. Көркем әдеби тілдерінен әсем шумақтарын шашып, жиналғандарға поэзиялық кеш сыйлап, өздері де ерекше әсер де болды.
Бәйгенің соңында жарысты ұйымдастырушылар жыр додасында бақсынаған барлық ақынды бөліп-жармай, мүшәйраның мықтылары деп танып, бағалы сыйықтар табыстады. Әсіресе, бұл қатысушылар үшін – Тәуелсіздік күніне деген тарту болды.
Руслан Әлкеев
Сарыкөл ауданы
