Сегізі де үшінші орын алды

Ресейдің Қорған қаласында грек-рим күресінен Ресейге еңбегі сіңген спорт шебері, әлем чемпионы А.И.Меньшиковтың жүлдесі үшін  ІХ-шы бүкілресейлік ашық турнир мәреге жетті. Осы жарыста сынға түскен қостанайлық  боз кілем шеберлері бірқатар жүлделі орындарды  жеңіп алды. Мәселен, 59 келіде кілемге шыққан Данияр Жақсылықов "қола" медальді еншілесе, Владислав Емелюков, Наиб Гучигов, Рахмет Сапиев, Темірдан Шадукаев, Хизар Джабраилов, Тагир Валиуллин және Болат Бегежановтар да жеңіс тұғырының үшінші сатысына көтерілді.