Апат айтып келмейді
Қостанайдың іргесіндегі Аманкелді кентінде апат болды. Кеше кешкісін ауыл маңындағы диаметрі 800 метрлік су құбыры жарылды.
-Қала тұрғындарына қолайсыз жағдай тудырмасы үшін біз судың қысымын екі есеге дейін азайттық. Мұндайда жоғары қабаттағы үйлерге су зорға жетеді,-дейді «Қостанай-су» МҚМ директорының бірінші орынбасары Игорь Киселев,- Дегенмен, қала тұрғындарын сусыз қалдырғанымыз жоқ.
Оның айтуынша, жөндеу жұмыстары түні бойы жүргізілген. Апатты құбырдың басым бөлігі бүтінделгенмен, кәсіпорын жұмысшылары әлі жөндеу жұмыстарын жалғастыруда.
Қолда бар деректерге сүйенсек, апат салдарынан Аманкелді кентінің жек секторындағы бірқатар үйлер суға малшынған.
Айбек Кәдірұлы
