Жайдарлы жастар жарысты
Сарыкөл ауданында мемлекеттік тілде оқытатын Сарыкөл мен Соналы орта мектептерінің оқушылары, яғни жайдарлы жайдарманшылар жарысқа түсті.
Екі команда өзара бақсынаған жарыста жайдарманшылар жиналғандарды астарлы әзіл, қағытпа қалжындарымен таңқалдырды. Олар, әсіресе, қоғамдағы қолайсыз тұстарды, мәселелі жәйттарды әдемі әзілмен әрлеп, тұрғындарға түсінікті тілде жеткізе білді. Ең бастысы, төл тілімізді төрге сүйреп жүрген жайдарманшылар, мемлекеттік тіліміздің мәртебесін тағы бір мәрте биіктетті.
Тоқсан ауыз сөздің тобықтай түйіні, Тұңғыш Президент күніне арналған жарыстың іріктеу кезеңінде екі команда да аудан әкімінің кубогы үшін өтетін шешуші сынға іркілмей өтті.
Руслан Әлкеев
Сарыкөл ауданы
