Ауыл қызметкерлері марапатталды

Таран аудандық «Ұшқын» мәдениент үйінде Тыңды игерудің 60 жылдығына және ауыл шаруашылығы қызметкері күніне орай салтанатты жиын өтті.

Оған аудан әкімі Бақберген Өтеулин, ауыл шаруашылығына еңбегі сіңген қызметкер, Мәжілістің экс-депутаты Тоқтарбай Қадамбаев пен еңбек ардагерлері қатысты. Алдымен келушілер фойеде ұйымдастырылған пионерлік оркестр, тыңшылардың палаткалары мен шағын сахналық қойылымды тамашалады. Одан кейін аудан басшысы ауыл шаруашылығын дамытуға зор үлес қосқан бір топ ардагерлер мен қарапайым жұмысшыларды марапаттады. Салтанатты жиын соңы мәдениет үйінің шығармашылық ұжымы әзірлеген концерттік бағдарламаға ұласты.