Алтыннан алқа тақты
Рудныйлық таэквондошы Мадина Қайыржанова ел чемпионатында алтыннан алқа тағып, спорт шебері нормативін орындады.
Астаналық «Дәулет» спорт кешенінде таэквондодан өткен ел біріншілігіне ұзын саны 260 спортшы қатысқан болатын. Қостанай облысының намысын аталмыш додада Рудный қалалық балалар мен жасөспірімдерге арналған №2 спорт мектебі мен облыстық олимпиадалық резерв мектебінің жаттығушылары қорғады.
Чемпинат қорытындысы бойынша жерлестеріміз 4 «қола» мен 1 «алтынды» місе тұтса, Мадина Қайыржанова мен Асылжан Ибраимовтар таэквондо спорты бойынша Қазақстан құрамасы сапына енді.
Қуаныш Есқабыл
