“Тобылға” жанкүйер болғыңыз келсе…

Қостанайлық футболсүйер қауым 22 шілдеде елордадағы "Астана арена" стадионында "Тобыл"-"Астана" командалары арасында өтетін матчқа ұйымдасқан түрде барып, жанкүйерлік қолдау көрсете алады. Тілек білдірушілерге арнайы автобус бөлініп отыр. 

"Тобыл" ФК баспасөз қызметінің ақпаратынша, қостанайлық аяқдопшыларға жанкүйер болам деушілер 22 шілдеде түнгі сағат 2.00-де "Орталық стадионның" Гагарин көшесі жағынан кіретін қақпасы алдында жиналады. Сондай-ақ, қостанайлықтар "Астана арена" стадионына тегін кіре алады. Матч аяқталысымен автобус Қостанайға бірден жолға шығады. Жол уақыты – 9 сағат, жүру құны – 3 мың теңге. Толығырақ ақпарат алу үшін 8 707 669 02 59, 8 777 442 97 69 нөмірлеріне хабарласуға болады (Марат Күзембаев, жанкүйерлермен жұмыс жөніндегі маман).Айта кетейік,  қазіргі кезде "Астана" турнир кестесінің алғашқы сатысында тұр, ал қостанайлық команда 4-ші позицияда келеді.