“Абай оқулары–2014”

Дәстүрлі "Абай оқулары" байқауы биыл да жалғасын тапты. Қала және ауыл мектептері арасында ұйымдастырылған тағылымды шарада қала әкімінің   орынбасары Е.Мәметеков құттықтау сөз сөйлеп, Родина орта мектебі ұлы ақынның өмір жолын айшықтаған сахналық қойылымдар көрсетті. 

 Қорытындысында "Асыл сөзді іздесең…" (Абай және Шәкәрім өлеңдерін жатқа айту) номинациясында А.Құнанбаев атындағы №6 мектептің 10 сынып оқушысы Мерей Сыздықбаева, "Құлақтан кіріп бойды алар…" (Абай және Шәкәрім әндерін орындау) №3 мектептің 9 сынып оқушысы Айымгүл Жұмақан, "Сәулең болса кеудеңде…" (жас ақындардың өлеңдері) Ы.Алтынсарин атындағы гимназияның 10 сынып оқушысы Елдос Мұқатай бас жүлдені жеңіп алды.

Жүлдегерлер грамота және ақшалай сыйлықпен марапатталып, жеңімпаздар  облыстық байқауға жолдама алды.

Мұрат

      ЖҮНІСҰЛЫ

Арқалық қаласы.

Суретте: Абай оқулары байқауының жеңімпаздары.

Суретті түсірген автор.