Құрылыс материалдарына мұқтаждық болмайды

Осылай деп түйіндеуге тура келеді. Құрылыс материалдарын  алыстан іздеуге енді жол берілмейді. Себебі, қалада құрылыс саласы  қарқынды дамып келеді. Тұрғын үйлерді  салуға қаншама құрылыс материалдары қажет екенін өмір дәлелдеп отыр. Мәселен,  биыл облыс бойынша кемінде 230  мың шаршы  метр  тұрғын  үйді  пайдалануға беру керек. Сонда қалаға тиесілі  үлестің  шаш  етектен келетіні белгілі. 

Металл арматуралары сырттан   тасымалдағанда қаржы шығыны өсе-ді, уақыттан да ұтыласың. Өзекті мә-селені шешу үшін облыс басшылары қатаң талаптар қойды.  Тапсырманы  орындауға бел шеше   кіріскендер болды. Солардың бірі – "Евраз-   КаспианСталь" серіктестігі.  Олар таяуда өзінің өндіріс орнында алғаш-қы арматураны  жасап  шығарды. 

Аталған кәсіпорынның  тыныс-тіршілігі  туралы газетімізде әлденеше  рет хабарладық. Бүгін осы  серіктестіктің құрылыс материалдарына мұқтаждықты жоюдағы  талпынысын  тағы да сөз етіп отырмыз.

Мұндай сапалы және аса пайдалы өнім Қостанайдың тарихында бұрынды-  соңды қолға тимеген. Мамыр айында металл  прокаты нарыққа  ұсынылады  деп  күтілуде. Материалдың құндылығына кәсіпорынға арнайы келген  облыс әкімі Нұралы Садуақасов көз жеткізіп, ризашылығын  білдірген-тін.

– Индустрияландыру жобасына   жұм-салатын қаржы Қазақстанда мол. Соған байланысты Елбасы жергілікті жердегілер жақсы ұсыныстар жасағанда, ақша алатынына сендіруде. Өзіміздің алғашқы арматурамыздың қажеттілігін өңірлік даму министрлігімен байланыс жасап, дәлелдейтін уақыт  туды, –  деді  облыс  әкімі  Нұралы  Садуақасов.

Серіктестік директоры Сергей Сотников итальяндық мамандарды үйлеріне  қайтаратынын айтты. Мәселен, Павлодардан келген Аманжол Жәпешов – әлгі  шетелдіктерден қалыспайтын шебер  маман. 

Қорытындысында ескертеріміз,     қа-лада жаңа өнеркәсіп орындарының  қатары өсуде. Олардың  өнімі құрылыс     саласына үлкен дем беретіні анық.

Суретте:  "ЕвразКаспианСталь"  серіктестігінде  жаңа  өнім шығару  сәті.