Лисаковта төртінші қабаттан құлай жаздаған әйел құтқарылды

Қостанай облысында учаскелік полиция қызметкері төртінші қабаттың терезесінен құлай жаздаған әйелді құтқарды. 26 ақпанда Лисаков қаласы полиция бөлімінің кезекші бөліміне үй тұрғындарынан төртінші қабаттың терезесінде аяғын сыртқа шығарып қойып әйелдің отырғаны туралы хабарлама келіп түсті. Үрейленген тұрғындар әйел құлап кетпеуі үшін айқайлай бастаған. 
Оқиға орнына учаскелік инспектор Ерлан Танжарықов барды. 

– Мен бірден төртінші қабатқа көтерілдім. Сол бойда әйелді бөлмеге сүйреп апардым. Белгілі болғандай, 70 жастағы қарт әйел ауырып қалған. Ол кезде оның қызы дүкенге кеткен.Анасы терезені ашып, төсенішіне отырған, – деді учаскелік полиция инспекторы. 

Осы уақытта үй тұрғындары учаскелік полицияның іс-әрекетін бақылап отырған. Бұл үйдің тұрғыны Анастасия Руднева 26 ақпанда сағат 11 кезінде дүкенге барып, терезеде отырған қарт адамды көргенін айтты. 
-Біз одан секірмеуін сұрап, полицияға қоңырау шалдық. Учаскелік полиция қызметкері бірден келіп, әйелді құтқарып алды, – деді Анастасия Руднева. 

Бірнеше минуттан кейін әйелге күтім жасайтын оның қызы да үйге оралған. Ол 7 жасар ұлына әжесін қарауға қалдырып, бірнеше минутқа ғана шығып кеткен. 

Қостанай облысы ПД баспасөз қызметінде Ерлан Танжарықов әкімшілік учаскіде 2018 жылдан бері жұмыс істеп келе жатқанын атап өтті. Бұған дейін ол Бейімбет Майлин ауданында жұмыс істеген және бірнеше рет өзін ерлігімен көрсеткен.  Мәселен, учаскелік полиция қызметкері президенттік марапат – "Ерлігі үшін" медалімен марапатталды. Полиция қызметкері 2016 жылдың 29 ақпанында Б. Майлин ауданында жалғызбасты әйелдер үйіне шабуыл жасаған қылмыскерді ұстағаны үшін жоғары атаққа ие болды. Сол күні учаскелік полицей балықшы мен оның әйелін өлімнен құтқарды.