Болат ҚАЛИЕВ, “Ел Ертеңі” ҚБ төрағасы Жастарға зор сенім артты

Тәуелсіз Қазақ елінде жастардың өзіндік алар орны бар. Елбасы қай уақытта болмасын жас толқынға әркез сенім білдіріп, қолдап-қолпаштап отырады. Түсінген жанға "Дипломмен – ауылға!", "Қолжетімді баспана – 2020" сынды  бағдарламалар  жастардың хал-ахуалын жақсартуға бағытталған. Қазіргі таңда жас өрендердің білім алып, қалаған мамандығының майталманы атануына және жұмысқа орналасып, баспана алуларына барлық жағдай жасалған. Тек еңбек етіп, алға қарай талпыну керек.

Жастар – қоғамның ең бір белсенді тобы. Ұлт көшбасшысы "Нұрлы жол – болашаққа бастар жол" атты Қазақстан халқына арнаған Жолдауында кейінгі тол-қынды ерекше атап өтті. Мен "Жастар – біздің болашағымыздың тірегі" дегенді әркез айтып келемін. Мемлекет жаңа буынның алдында барлық есіктер мен жолдарды ашты! "Нұрлы Жол", міне, біздің креативті ырғақты жастарымыздың күш-жігер жұмсап, құлаш сермейтін тұсы осы!" деді ел Президенті Н.Ә.Назарбаев. Бұл дегеніміз мемлекетіміздің өркендеуі жолында жастардың бар күш-жігерін аямай атсалысуы керектігін білдіреді. Себебі, келер күннің тізгінін ұстап, ата-бабаларымыздың сара жолын жалғайтын кейінгі толқын емес пе!