Сарыкөл ауданында «Ашық есік» апталығы ұйымдастырылды
Қантар айының 23-31 күндері аралығында Сарыкөл аудандық тілдерді оқыту орталығының бастамасымен «Ашық есік» апталығы ұйымдастырылды.
Оның басты мақсаты – халықтың мемлекеттік тілге деген қызығушылықтарын ояту. Шара барысында тіл мамандары әрбір мекемеге кіріп, басшылар мен қызметкерлерге арналған орысша-қазақша бір беттік сөздік кітапша таратты.
-Сарыкөл кенті мекемелеріне арнап, «Ашық есік» апталығын ұйымдастырдық. Біз таратқан кітапшаның ерекшелігі әр мекемеге арналып, жеке-жеке жасалғанында болып отыр. Мысалы, кітапханаға кітапханада пайдаланатын сөздер, халыққа қызмет көрсету орталығы, мәдениет үйі, аудан әкімдігінің бөлімдері және аурухана сияқты мекемелерге арналған сөздер жазылған кітапшалар таратылды, – дейді орталық басшысы Исламидин Нуридинов.
Тіл маманының айтуынша, апталық барысында барған мекемелерден мемелекеттік тіл курстарына жазылуға көптеген адам ниет білдірген. Енді соларға арналған мемлекеттік тілден дәріс өткізу ақпан айының 1 жұлдызынан басталады.
Руслан ӘЛКЕЕВ,
Сарыкөл ауданы.
