Өтемақы талап ете алады
Кеше түнде Шаяхметов көшесінде магистральдық су құбыры жарылған болатын. Соның салдарынан Летунов көшесіндегі екі үйге су кіріп, сонымен қатар бес үйдің ауласын су басты. Таңертең қала әкімі Марат Жүндібаев апат болған жерге барды.
-Қазіргі уақытта біз тексеру жүргізіп жатырмыз. Бір үй қатты зардап шекті. Бөлмелерін толығымен су алып кеткен. Арнайы комиссия құрылды, коммуналдық қызметтер жұмыс істеп жатыр. Су сорылды. Келтірілген шығынды есептеген соң зардап шеккендер "Қостанай-Су" МКК-на сотқа жүгініп, өтемақы ала алады, – деді ол.
Әкімнің айтуынша, зардап шеккен отбасы мүшелері уақытша профилакторияға орналастырылады.
