Есірткі дүкені әшкере болды
Қостанай облысында синтетикалық есірткі сататын интернет-дүкен жойылды, – деп хабарлайды Polisia.kz.
ІІМ Есірткі қылмысына қарсы іс-қимыл департаменті мен Қостанай облысының полицейлері Қаржы мониторингі агенттігімен бірлесіп, Қостанай және Рудный қалаларында Telegram алаңында жұмыс істейтін синтетикалық есірткілерді өткізетін интернет-дүкенді жойды. Интернет-дүкен туралы ақпарат жиналып, жұмыс схемасын және оның әкімшілерін зерттелгеннен кейін қылмыскерлер жүргізген қаржылық операцияларға бақылау жасалды. Осы кезеңде Қаржы мониторингі агенттігінің қаржылық барлау бөлімшесінің мамандары жұмысқа қосылды. Мамандар “дроп” деп аталатын жалған тұлғалардың банк карталарына түсетін барлық ақша аударымдары туралы мәліметтер жинақтады.
Интернет-дүкеннің қызметтерін 500-ден астам “тұтынушы” пайдаланғаны анықталды. Оның жұмысы барысында бөгде адамдардың төлем карталары арқылы есірткі сату бойынша кемінде 15 мың мәміле жүргізілді. ІІМ Есірткі қылмысына қарсы іс-қимыл департаменті бастығының орынбасары Асқар Мұхаметқалиев түсіндіргендей, жойылған интернет-дүкен арқылы синтетикалық есірткілердің тек жаңа түрлері ғана сатылған.
ІІМ Есірткі қылмысына қарсы іс-қимыл департаменті мен Қостанай облысының полицейлері Қаржы мониторингі агенттігімен бірлесіп, Қостанай және Рудный қалаларында Telegram алаңында жұмыс істейтін синтетикалық есірткілерді өткізетін интернет-дүкенді жойды. Интернет-дүкен туралы ақпарат жиналып, жұмыс схемасын және оның әкімшілерін зерттелгеннен кейін қылмыскерлер жүргізген қаржылық операцияларға бақылау жасалды. Осы кезеңде Қаржы мониторингі агенттігінің қаржылық барлау бөлімшесінің мамандары жұмысқа қосылды. Мамандар “дроп” деп аталатын жалған тұлғалардың банк карталарына түсетін барлық ақша аударымдары туралы мәліметтер жинақтады.Интернет-дүкеннің қызметтерін 500-ден астам “тұтынушы” пайдаланғаны анықталды. Оның жұмысы барысында бөгде адамдардың төлем карталары арқылы есірткі сату бойынша кемінде 15 мың мәміле жүргізілді. ІІМ Есірткі қылмысына қарсы іс-қимыл департаменті бастығының орынбасары Асқар Мұхаметқалиев түсіндіргендей, жойылған интернет-дүкен арқылы синтетикалық есірткілердің тек жаңа түрлері ғана сатылған.
"Полицейлер арнайы мақсаттағы бөлімше қызметкерлерімен бірге Қостанай қаласына кіре берісте Toyota Highlander көлігін тоқтатты. Ішінде Рудный қаласының 30 жастағы тұрғыны болды. Ұстау кезінде олар бөлшек саудада қайта сату үшін 1 келіден астам мефедрон сатып алғаны белгілі болды. Автокөлікті және тұрғылықты жері бойынша тінту барысында 1 келіден астам мефедрон, 3 млн теңге, 6 ноутбук, 6 телефон, 5 банк картасы және әртүрлі операторлардың 5 SIM-картасы тәркіленді", – делінеді хабарламада.
Облыстық Полиция департаментінің бастығы Ерлан Омарбеков мәлімдегендей, тәркіленген байланыс құралдары интернет-дүкен жұмысының толық схемасын, әкімшілерден бастап кепілгерлерге дейін орнатуға мүмкіндік береді. Осы факт бойынша ҚК-нің 297-бабының 3-бөлігі бойынша сотқа дейінгі тергеу басталды. Өзге қатысушылардың қатысын анықтау бойынша тергеу іс-шаралары жүргізіліп жатыр.
"Уақытша табыс табу үшін балалар есірткі таратушылардың нысанасына айналуы мүмкін, олар әртүрлі интернет-платформаларда жұмыс туралы хабарландырулар орналастыру арқылы үлкен жалақы төлеуге уәде береді. Осыған байланысты балалардың бос уақытын бақылаусыз қалдырмауыңызды сұраймыз. Оларға мұндай табыстың қауіптілігін түсіндіріңіз, сайттың әкімшісі, курьер ретінде жұмыс істеу туралы ұсыныстарды жұмыстың сипатын тексермей қабылдамаңыз. Егер сіз заңсыз қызмет белгілерімен жұмыс ұсыныстарына куә болсаңыз, дереу ішкі істер органдарына хабарласуыңыз қажет. Естеріңізге сала кетейік, есірткі саудасы саласындағы қылмыстарға әлеуметтік желілердің беттерін басқару, есірткі туралы ақпаратты интернете тарату, тасымалдау, сақтау және есірткі мен күшті дәрілерді қолдануға арналған үй-жайларды жалға беру жатады. Заңнамаға сәйкес, мұндай қылмыстар үшін қылмыстық жауапкершілік 16 жастан басталады. Олар үшін бас бостандығынан айыру 20 жылға және өмір бойына дейін барады", деген үндеу жолдады Ішкі істер министрлігі.
